Unidade de Obesidade

O Hospital HM Modelo da Coruña conta cunha completa e multidisciplinar Unidade de Obesidade, que ofrece aos pacientes un tratamento individualizado.

A obesidade é unha enfermidade crónica de orixe multifactorial que se pode previr

que se caracteriza por acumulación excesiva de graxa ou hipertrofia xeral do tecido adiposo no corpo e increméntase ata un punto en que pon en risco a saúde ou a vida. O sobrepeso e a obesidade son o quinto factor principal de risco de defunción humana no mundo. Cada ano falecen polo menos 2,8 millóns de persoas adultas como consecuencia do sobrepeso ou a obesidade.

A Organización Mundial da Saúde (OMS) define como obesidade cando o índice de masa corporal (IMC) (cociente entre o peso e a estatura dun individuo ao cadrado) é igual ou superior a 30 kg/m². A obesidade forma parte da síndrome metabólica, e é un factor de risco coñecido, é dicir, é unha indicación da predisposición a varias enfermidades, particularmente enfermidades cardiovasculares, diabetes mellitus tipo 2, apnea do sono, ictus e osteoartrite, así como para algunhas formas de cancro, padecementos dermatolóxicos e gastrointestinais.

Aínda que a obesidade é unha condición clínica individual, converteuse nun serio problema de saúde pública que vai en aumento. 

É importante atacar a obesidade desde distintas frontes, xa que así, os resultados son moito mellores. O perfil do paciente é variado, xa que vai desde pacientes con sobrepeso que necesitan cambiar hábitos ata pacientes que precisan un tratamento máis eficaz a longo prazo, axudando a unha baixada de peso máis rápida.

Realízase unha primeira consulta gratuíta con Endocrinoloxía na cal se fai unha entrevista ao paciente, hábitos de vida, alimentación, peso, estatura, enfermidades crónicas, tratamentos, para dispoñer de toda a información posible e valorar o tipo de tratamento individualizado.

Dieta

A dieta mediterránea é a única que demostrou redución de mortalidade e debe acompañarse de exercicio físico adecuado á idade e estado previo do paciente. En certos casos recórrese a dietas proteicas que conseguen baixar de peso rapidamente, coa idea de acabar con dieta mediterránea de mantemento.

Balón Intragástrico e Técnicas Endoscópicas (Apollo)

A nosa Unidade realiza as técnicas de Balón Intragástrico de 6 e 12 meses e manga gástrica endoscópica ou Apollo Endosleeve (sutura continua do estómago a través de endoscopia, con anestesia xeral).
Ambas as técnicas utilízanse para o tratamento da obesidade cun índice de masa corporal (IMC) entre 30 e 40, aínda que se aceptan IMC maiores de 27 con comorbilidade (síndrome metabólica, dislipemia, diabetes, hipertensión arterial (HTA)) ou IMC maiores de 40 cando a cirurxía estea contraindicada, a obesidade represente un risco cirúrxico, ou o paciente a rexeite.

Cirurxía Bariátrica

A Cirurxía Bariátrica ou Cirurxía da Obesidade é un conxunto de técnicas cirúrxicas que se utilizan no tratamento dos pacientes obesos. Todas elas buscan conseguir unha perda de peso mantida a longo prazo, e á vez mellorar as enfermidades asociadas.

Non existe ningún tratamento médico, condutual ou dietético para os obesos graves con resultados válidos a cinco anos. O tratamento non cirúrxico da obesidade presenta un 98% de recidivas. A cirurxía é o único tratamento que proporciona un control eficaz a longo prazo.

A Cirurxía Bariátrica, comparada co tratamento convencional, logra unha mellor perda de peso, mellora a calidade de vida, reduce os factores de risco e diminúe a mortalidade. Está indicada en pacientes cun IMC superior a 40 kg/m², ou en pacientes con 35 kg/m² se presentan enfermidades asociadas.

A decisión sobre que técnica aplicar debe ser individualizada, tendo en conta as características específicas de cada paciente.

Solicita a túa cita chamando ao 981 577 717

Equipo Médico da Unidade da Obesidade

• Endocrinoloxía: Dra. Iria Rodríguez Gómez
• Gastroenteroloxía – Endoscopia: Dr. Francisco Martín Carreras-Presas e Dr. Rafael Mejuto
• Nutrición: Estefanía Dans
• Psiquiatría: Dr. José Manuel Crespo
• Psicoloxía: José Mª Ribero de Aguilar
• Cirurxía Xeral: Dr. Iván Baamonde e Dr. Enrique Mena Del Río