Unidade de Cirurxía Robótica
O Hospital HM Modelo da Coruña conta cunha experimentada Unidade de Cirurxía Robótica, que pon á disposición dos pacientes galegos todas as vantaxes que ofrece o robot cirúrxico Da Vinci. Proba diso, é que HM Modelo foi o primeiro hospital de Galicia en incorporar o Da Vinci, sendo pioneiros no uso desta técnica de cirurxía robótica.
O robot cirúrxico Da Vinci é a técnica máis sofisticada e innovadora de cirurxía minimamente invasiva dispoñible na actualidade; un tratamento que ofrece resultados iguais ou mellores que a cirurxía convencional, aos que se suman os beneficios dun procedemento minimamente invasivo. Grazas a esta Unidade o Hospital HM Modelo consolida así o seu obxectivo de poñer á disposición de todos os pacientes a mellor tecnoloxía cirúrxica en beneficio da súa saúde.
Vantaxes da cirurxía minimamente invasiva:
- Menor risco de infección e outras complicacións.
- Recuperación máis rápida tras a intervención.
- Menor nivel de dor postoperatoria.
- Redución do impacto estético negativo grazas á necesidade de realizar incisións abdominais máis pequenas.
- Rápido retorno á actividade rutineira.
- Menor tempo de hospitalización.
Que é o robot Da Vinci?
O robot cirúrxico Da Vinci é unha plataforma robótica sofisticada na que o cirurxián dirixe os brazos do mesmo desde unha consola, por medio de controis manuais e pedais, utilizando un sistema de visión estereoscópico.
A técnica axuda ao cirurxián na execución de cirurxías de alta complexidade a través dunha cirurxía minimamente invasiva. Ao conseguir aliñar o ollo profesional, a súa man e a punta do instrumento, chégase a un control intuitivo da técnica, máis natural que na cirurxía laparoscópica e similar ao da cirurxía aberta. Os movementos da man do cirurxián mídense, filtran e tradúcense nos brazos e instrumentos robotizados.
O robot cirúrxico Da Vinci está dotado cuns instrumentos que achegan maior rango de movemento e máis precisión que os da cirurxía abdominal “a ceo aberto” ou, incluso, da cirurxía laparoscópica, a fin de lograr unha adecuada disección anatómica e extirpación do órgano afectado. Grazas á súa cámara de última xeración, esta tecnoloxía laparoscópica emerxente permite unha visualización detallada do campo operatorio mediante a ampliación das imaxes en 3D.