Unidade de Prevención e Diagnóstico Hipertemperán Oncolóxico
No Hospital HM La Esperanza de Santiago de Compostela, xunto ao Centro Integral Oncolóxico Clara Campal HM CIOCC, a través da Unidade de Prevención e Diagnóstico Hipertemperán Oncolóxico, creamos unha consulta especializada no diagnóstico hipertemperán do cancro. Desta maneira, poñemos á disposición dos pacientes do hospital tanto as probas tradicionais como novos test de biopsia líquida capaces de detectar algúns tumores cunha sinxela análise de sangue ou urina. Estes test utilizan tecnoloxía de alta sensibilidade que detectan en fluídos corporais algúns compoñentes tumorais, así como información xenómica ou proteica propia de células canceríxenas.
Co diagnóstico dun tumor nun estadio moi temperán o índice de curación pode elevarse ata o 90%.
Para quen está recomendada
A Unidade de Prevención e Diagnóstico Hipertemperán vai dirixida a toda persoa asintomática maior de 50 anos, idade a partir da cal aumenta a incidencia de cancro e, polo tanto, recoméndase empezar o cribado de varios tumores. Isto pode ter incluso máis importancia se existe unha agregación ou historial familiar de cancro. Tamén está indicado para persoas de calquera idade nas que xorde un achado inespecífico nunha analítica ou nunha proba radiolóxica. Nestes casos, os test de diagnóstico hipertemperán oncolóxicos poden axudar na aproximación diagnóstica e, nalgúns casos, evitar outras probas invasivas como, por exemplo, unha biopsia.
A través da nosa Unidade podemos diagnosticar un proceso oncolóxico de forma hipertemperá e así contar coas máximas probabilidades de curación.
Que enfermidades detecta?
Levamos a cabo todas as probas indicadas para o cribado de cancro colorrectal, cancro de mama e cancro de colo uterino.
Ademais, dispoñemos de test non invasivos de última xeración para diagnosticar algúns tipos de cancro, a través dunha análise de sangue ou urina:
- Cancro colorrectal.
- Cancro de pulmón.
- Cancro de páncreas.
- Cancro de mama.
- Cancro urotelial.
- Cancro de próstata.
Que inclúe o test?
Na Unidade poñemos á disposición dos pacientes unha consulta de Prevención e Diagnóstico Hipertemperán na que facemos unha valoración integral da persoa tendo en conta os seus hábitos de risco, a súa idade, antecedentes familiares por parte dun oncólogo experto. Tras esta valoración, faise un plan individualizado de cribado e solicítanse as probas necesarias en cada caso.
Unha vez obtidos os resultados, citarase á persoa novamente co especialista que interpreta e entrega os resultados, marcando un plan de abordaxe e seguimento personalizado dependendo dos resultados.
Se tes máis de 50 anos, antecedentes familiares próximos ou es fumador ou exfumador… Adiántate!